كيفية تحسين سيو الصور (Image SEO) لرفع ترتيب موقعك في جوجل
لو بتفكر فعليًا ترفع ترتيب موقعك في جوجل
وتزود زياراتك من غير ما تدفع ولا جنيه إعلانات، فـ لازم تهتم بـ تحسين سيو
الصور بنفس اهتمامك بالمحتوى المكتوب ، جوجل في 2026 جوجل بقى يعتمد على الصور أكتر من أي وقت، لأن مستخدمين كتير على الإنترنت بيدخلوا على البحث الصوري مباشرة وبيوصلوا لموقعك من خلال صورة واحدة بس.
والأهم إن تحسين سيو الصور على موقعك بقى
عامل مهم جدًا في ترتيب الصفحات عمومًا، وده لأن الصور بتأثر على سرعة الموقع وعلى
تجربة الزائر بشكل مباشر، وهو مايهم محركات البحث فى المقام الأول.
في المقال ده، هنتكلم عن كل حاجة تخص تحسين
الصور لمحركات البحث بشكل عملي، وبأسلوب بسيط وهتعرف إزاي تضغط الصور بدون
فقدان جودة، إزاي تكتب وصف الصورة Alt Text بطريقة
ذكية، أفضل صيغة للصور للويب، إزاي تهيئة الصور للبحث يساعد في زيادة الزيارات،
وإزاي تضمن إن جوجل يفهم الصورة ويتعامل معاها صح، باختصار، وهنوضح لك كيفية
تحسين السيو لصورك لتتصدر نتائج البحث.
 |
| كيفية تحسين سيو الصور (Image SEO) لرفع ترتيب موقعك في جوجل |
ما هو سيو الصور (Image SEO) ؟
تقنيات سيو الصور تعني ببساطة عملية تحسين الصور
بحيث جوجل يقدر يفهم محتواها، ويعرضها في نتائج البحث الصوري، وكمان يساعد في
تحسين ترتيب موقعك نفسه، وزيادة عدد الزيارات العضوية للموقع، الموضوع مش مجرد رفع صورة والسلام، الموضوع له خطوات
محددة أي موقع ناجح لازم يعملها.
أهمية تحسين صور الموقع
تحسين سيو الصور له اهمية كبيرة لأنه يؤدي
الى :
- سرعة أكبر وزيادة نقاط Core Web Vitals
- وقت تحميل أقل يساوي معدل ارتداد أقل
- ظهور في Google Images → يساوي زيارات مجانية
- تحسين ترتيب المقال نفسه في نتائج البحث
- تجربة مستخدم أفضل بكتير
أهم عناصر تحسين الصور لمحركات البحث
هناك عديد من عناصرتحسين سيو الصور منها:
1. اختيار الأبعاد المناسبة للصورة
صاحب أي مدونة لازم يفهم إن مش كل الصور
لازم تكون ضخمة بالحجم الكامل بتاع الكاميرا، جوجل بيهتم إن الصورة تكون مناسبة
للمساحة اللي هتتعرض فيها عشان سرعة الصفحة، لذلك من المهم اختيار أبعاد الصوره
المناسبة لموقعك.
نصائح تخص الأبعاد المناسبة
- للصورة داخل المقال:
1200×675 أو 1000×600 تكفي جدًا.
- للصورة البارزة (Featured Image): 1200×628 مناسب للمدونات (وبيدعم السوشيال).
- تجنب الصور فوق 2000px لأنها بطيئة جدًا ومش
هتفيد.
كل ما ضبطت الأبعاد، كل ما كانت خطوة مهمة
في تحسين سيو الصور قبل الرفع.
2.ضغط الصور بدون فقدان الجودة
معظم المواقع بتقع في الغلطة دي، وهي رفع صور بحجم 1 أو 2 ميجا، وده كفيل يخلي الصفحة بطيئة جدًا، وهنا تبرز أهمية أدوات ضغط الصور لتقليل حجم الصورة، وفي نفس الوقت ضغط الصور على حساب جودة الصورة تصرف خاطئ خصوصا إذا كنت تنشر صورك على مواقع مثل بنترست التي تشترط جودة الصور.
أفضل أدوات ضغط الصور
الأهم إنك تحافظ على أقل حجم ممكن بدون ما
تضيع جودة الصورة، وده عامل رئيسي في تحسين سرعة الصور للموقع.
3.كتابة وصف الصورة (Alt Text) أهم عنصر في سيو الصور
Alt Text ده يعتبر
القلب النابض لـ تهيئة الصور للبحث، جوجل بيقرأ الوصف ده ويفهم الصورة من خلاله.
إزاي تكتب Alt Text
ممتاز؟
- اكتب وصف بسيط وواضح للصورة
- استخدم الكلمة المفتاحية بطريقة طبيعية
- تجنب الحشو والكلمات الغلط
- خليك دقيق ووصف الصورة صح
وصف صورة مثل "تحسين سيو الصور في مدونات بلوجر خطوة بخطوة" أو "تحسين سرعة الصور على موقعك" مثال جيد جدا لوصف صورة بينما "سيو سيو سيو سيو تحسين الصور جوجل تصدر نتائج" مثال سئ للغاية.
4.اسم ملف الصورة (Before Upload)
ناس كتير بتتجاهل النقطة دي رغم إنها مهمة
جدًا، خلي اسم الصورة واضح ومنسق، بدل ما ترفع صورة اسمها:IMG_99377444.jpg خليها تحسين-سيو-الصور.jpg، هذا الأمر يساهم في أرشفة الصور في جوجل
بشكل ملحوظ.
5.اختيار أفضل صيغة للصور (JPEG – PNG – WebP)
الصيغة / نوع الصورة بيحدد الحجم والجودة
والسرعة، وده أهم جانب في تحسين صور الموقع.
أفضل الامتدادات للصور وأين تستخدمها:
- JPG/JPEG:،
الأفضل للصور العادية – حجم صغير وجودة كويسة.
- PNG:،
للأيقونات واللوجوهات – خلفية شفافة.
- WebP أفضل اختيار 2026 حجم
صغير جدًا، جودة ممتازة، أسرع في التحميلن ويعتبر أفضل صيغة للصور للويب بدون
منافسة.
عوامل متقدمة لرفع ترتيب الصور في جوجل (Advanced SEO)
هناك أيضا بعض العوامل المتقدمة لتحسين سيو
الصور مثل:
1. إنشاء خريطة صور XML Sitemap
لو عايز فعلاً تعمل أرشفة للصور في جوجل،
لازم تضيف خريطة صور داخل السايت ماب الأساسي، كتير من أصحاب المدونات يجهلوا
الخطوة دي رغم إنها مهمة.
2. تحسين الصور للهواتف (Mobile Optimization)
أغلب الزوار من الموبايل، فلازم الصور تكون:
- خفيفة
- مضغوطة
- أبعادها مناسبة للشاشات الصغيرة
ده بيأثر مباشرة على سرعة الموقع وبالتالي
على تحسين سيو الصور.
3.استخدام Structured Data لو المقال محتوي على صور مهمة
لو عندك صور تعليمية – وصفات – خطوات – منتجات، فـ Schema Image Object هتساعدك لتحسين سيو الصورعلشان جوجل يفهم الصورة كأنها عنصر أساسي في المحتوى.
4.استخدام CDN لعرض الصور بسرعة
شبكات CDN مثل
Cloudflare بتخلي الصورة تُحمّل
من أقرب سيرفر للزائر، وده بيحسن سرعة الموقع عمومًا.
أفضل الممارسات لتسريع تحميل الصور (Core Web Vitals)
التحميل الكسول Lazy Loading
الميزة دي بتخلي الصور تتحمل بس لما
المستخدم يوصل لها مش من أول الصفحة، ده يرفع سرعاتك في PageSpeed بشكل كبير.
إزالة الصور غير الضرورية
بعض المقالات فيها صور كتير بلا معنى، وده
بيبطّأ الصفحة، خلي صورك فعلاً مفيدة ومنسقة.
تقليل نصوص الكتابة على الصور
لو الصورة عليها كتابة زيادة أو عناصر
تزيينية كتير، هتحتاج جودة أعلى وبالتالي حجم أكبر، لذلك استخدم تصميمات بسيطة
واحترافية.
كيفية اختيار الصور المناسبة للمقال (من منظور سيو)
اختيار الصور المناسبة للمقال مش خطوة ثانوية أبدًا، بالعكس دي من أهم الحاجات اللي بتفرق في تجربة القارئ وتحسين ترتيب المقال في محركات البحث، كتير من المدونين بيقعوا في خطأ إنهم يختاروا أي صورة وخلاص، مع إن الصورة الصح ممكن تزود مدة بقاء الزائر وتقلل معدل الارتداد بشكل واضح.
إحنا مش بنحسن الصورة علشان نرفع ترتيبها بس، فنحن أيضا نحسن الصورة علشان تساعد المقال نفسه يظهرفي نتائج البحث الأولى، اختيار الصورة الصح يعتمد على ارتباطها بالموضوع، وضوحها، الألوان المناسبة، حجم مناسب للتحميل، خالية من حقوق الملكية (مهم جدًا)
1️⃣ خلي الصورة مرتبطة مباشرة بموضوع المقال
- صور أفاتار
- صور وجه بيتكلم
- صور AI – Technology – Video Creation
بلاش صور عامة مالهاش علاقة، لأنها بتربك القارئ ومش بتفيد السيو.
2️⃣ اختار صور واضحة وبجودة عالية
الصورة الرديئة أو المشوشة بتدي انطباع سلبي عن المقال كله، لذلك اختار صور:
- واضحة
- إضاءة كويسة
- أبعاد مناسبة (زي 660×360 أو 1200×675)
- حجمها مش كبير قوي عشان ما تبطّأش الموقع
جوجل بيحب الصفحات السريعة، وده بيأثر على ترتيبك.
3️⃣ وجود مساحة فارغة في الصورة ميزة كبيرة
الصور اللي فيها مساحة فارغة (Empty Space) بتبقى ممتازة جدًا، خصوصًا لو:
- هتحط عنوان المقال
- أو جملة جذابة
- أو تستخدمها كصورة بارزة (Featured Image)
وده بيخلي الصورة:
- أوضح
- أسهل في القراءة
- أحسن للعرض على السوشيال ميديا
4️⃣ استخدم اسم ملف الصورة بشكل ذكي (SEO)
قبل ما ترفع الصورة، غير اسمها من: MG_1234.jpg
إلى: video-natek-bel-zakaa-alestna3y.jpg
ده بيساعد جوجل يفهم محتوى الصورة ويدعم سيو الصور.
5️⃣ لا تنسَ النص البديل (Alt Text)
الـ Alt Text من أهم عناصر تحسين الصور لمحركات البحث.
خليه:
- وصف حقيقي للصورة
- يحتوي على الكلمة المفتاحية أو مرادفها
- بدون حشو أو مبالغة
مثال: صورة توضح طريقة عمل فيديو ناطق بالذكاء الاصطناعي باستخدام أدوات AI
6️⃣ التوازن مهم، بلاش إفراط
كتر الصور بشكل مبالغ فيه ممكن يبطّأ الموقع ويشتت القارئ.
القاعدة الذهبية:
- صورة كل 300–400 كلمة تقريبًا
- أو عند كل عنوان فرعي مهم
7️⃣ اختار مصادر صور موثوقة
سواء صور مجانية أو مدفوعة، المهم تكون:
- بدون حقوق أو بترخيص واضح
- مناسبة للاستخدام التجاري
مصادر شائعة:
- مواقع صور مجانية
- مواقع بيع الصور
- أو صور مصممة خصيصًا لمقالك
8️⃣ الصورة لازم تخدم القارئ مش بس السيو
آخر نقطة، ودي مهمة جدًا، اسأل نفسك قبل ما تختار أي صورة:
هل الصورة دي هتفهم القارئ أكتر؟
ولا مجرد حشو؟
لو الإجابة لا، يبقى استبدلها.
دليل عملي: خطوات تحسين سيو الصور قبل الرفع (CheckList)
قبل رفع الصورة:
- اضبط الأبعاد المناسبة
- اضغط الصورة (جودة عالية وحجم قليل)
- اختر الصيغة المناسبة للصورة (WebP) الأفضل
- اكتب اسم ملف واضح
- اكتب Alt Text ذكي
- ارفع الصورة في المكان المناسب داخل المقال
- فعّل Lazy Loading
- اربط الصورة بالسايت ماب
- تأكد إنها متوافقة مع الموبايل
- اربطها بالموضوع في الفقرة ليفهم جوجل سياقها
أخطاء شائعة تمنع ظهور الصور في نتائج جوجل
❌ رفع صور
ضخمة جدًا (تقتل سرعة الموقع)
❌ عدم كتابة
Alt Text
❌ استخدام
صور عليها حقوق ملكية → خطر على موقعك
❌ رفع نفس
الصورة المتكررة
❌ استخدام
صيغة
PNG بدون داعي
❌ الاسم
العشوائي للصورة مثل IMG44499
❌ تحميل
الصور من واتساب وفيسبوك (جودة مضروبة)
كيف تجعل صورك تتصدر نتائج Google Images؟
1.
استخدم تحسين سيو الصور في كل صورة داخل المقال
2.
استخدم الكلمات المفتاحية داخل Alt Text
3.
اربط الصورة بالفقرة الموجودة فيها
4.
استخدم صور أصلية أو تصميمات خاصة
5.
اضغط الصورة لأقصى درجة ممكنة
6.
استخدم صيغة WebP
7.
تأكد إن الصور موجودة في Sitemap
8.
ثبت سرعة الموقع لأعلى درجة
9.
استخدم CDNمثل كلاود فلار
10. استخدم Structured Data لو مناسب
سيو الصور في بلوجر: نصائح مهمة لأصحاب المدونات
المحتوى ده مهم جدًا ليك لأن 70% من
المدونات العربية شغالة على بلوجر.
نصائح مهمة:
- ارفع الصورة بصيغة WebP قدر الإمكان
- استخدم Alt Text ووصف Title
- خليك دايمًا في أبعاد 660×360 أو 1200×675
- اضغط الصورة قبل الرفع
- فعل خاصية Lazy Loading موجودة تلقائيًا في بلوجر
أفضل مواقع للحصول على صور مجانية بدون حقوق (مناسبة للسيو)
وأنصحك تستخدم ألوان واضحة وصور عالية
الجودة لأنها بتساعد على تحسين تفاعل الزائر.
قد يعجبك أيضا:أفضل مواقع تحميل الصور المجانية عالية الجودة 2024
أسئلة شائعة حول تحسين سيو الصور
1.هل تحسين الصور لمحركات البحث فعلاً يرفع ترتيب المقال؟
أيوه، وبشكل كبير، لأن سرعة الموقع وسلوك
الزائر وعوامل الظهور البصري كلها مرتبطة بالصور.
2.هل لازم أكتب Alt Text لكل صورة؟
نعم. ده أهم عنصر في سيو الصور.
3. هل WebP أفضل صيغة للصور؟
حاليًا نعم، لأنها خفيفة وسريعة وبتدي جودة
ممتازة.
4.هل لازم أخلي الصور بنفس المقاس؟
مش شرط، أهم حاجة إن الصور تكون مناسبة
للمساحة اللي هتظهر فيها.
5. هل الصور لها سيو زي المقالات؟
طبعًا، وفي مواقع كتير زي Pinterest وGoogle
Images ممكن تجيب لك آلاف الزيارات من
صورة واحدة بس.
الخاتمة
في النهاية، تحسين سيو الصور مش خطوة زيادة
ولا رفاهية، ده جزء أساسي من نجاح أي موقع أو مدونة، ولو ركزت في الخطوات اللي
اتكلمنا عنها من تحسين صور الموقع، وضغط الصور، وكتابة Alt Text، واختيار أفضل صيغة للصور للويب، لحد تهيئة الصور للبحث هتشوف فرق
كبير جدًا في سرعة الموقع وترتيب مقالاتك في جوجل.
اهتم بالصور زي اهتمامك بالمحتوى المكتوب ويمكن أكتر كمان،ومع الوقت هتلاقي إن صورك بتتصدر نتائج Google Images، ومقالاتك بترتفع لفوق من غير ما تعمل backlinks ولا إعلانات.