أفضل 3 تطبيقات مجانية لمشاهدة المباريات الرياضية على الموبايل والتلفاز

 حل مشكلة خطأ في إعادة التوجيه في أدوات مشرفي المواقع

لو بتشتغل على موقع أو مدونة، فمفيش أسوأ من إنك تدخل أدوات مشرفي المواقع Google Search Console وتتفاجئ برسالة مزعجة اسمها "خطأ في إعادة التوجيه" أو Redirect Error .

الخطأ ده من أكتر المشاكل الشائعة اللي بتقابل أصحاب المواقع، وبيسبب صداع حقيقي، لأنه مش بس بيأثر على الأرشفة، لكن كمان ممكن يضرب ترتيب موقعك في جوجل لو اتساب من غير حل.

مشكلة خطأ في إعادة التوجيه في أدوات مشرفي المواقع معناها ببساطة إن جوجل حاول يوصل لصفحة معينة، لكن اتلخبط في سلسلة التحويلات (Redirects)  ومقدرش يوصل للنسخة النهائية من الصفحة، والنتيجة أن  الصفحة لا تُفهرس،  الزيارات تقل، و السيو يتأثر بشكل مباشر.

 حل مشكلة خطأ في إعادة التوجيه في أدوات مشرفي المواقع

في المقال ده، هشرح لك حل مشكلة خطأ في إعادة التوجيه في Google Search Console  خطوة بخطوة، وبأسلوب بسيط وسلس، بعيد عن التعقيد زالمصطلحات التقنية، مع توضيح أسباب الخطأ، أنواعه، تأثيره على السيو، وأهم طرق إصلاحه نهائيًا

علما ان المقال ده موجه لأي حد بيشتغل على بلوجر – ووردبريس – مواقع برمجية – أو حتى متاجر إلكترونية.

ما هو خطأ في إعادة التوجيه في أدوات مشرفي المواقع؟

خطأ في إعادة التوجيه (Redirect Error) هو إشعار بيظهر داخل (أدوات مشرفي مواقع جوجل) Google Search Console   لما جوجل يلاقي إن الصفحة بتمر بعدد كبير من التحويلات أو بتحصل حلقة مفرغة في إعادة التوجيه.

بمعنى أبسط، جوجل يدخل على الصفحة،(A) يلاقيها بتحول للصفحة، (B)وبعدين الصفحة (B) تحول لـ (C) وبعدين (C) ترجع تاني لـ (A) ، كده جوجل يقف ويقول "آسف، أنا تهت الصفحة دي فيها مشكلة إعادة توجيه"

أشهر المسميات اللي ممكن تشوفها:

• خطأ في إعادة التوجيه
• Redirect Error
• صفحة تحتوي على عدد كبير من عمليات إعادة التوجيه
• Too many redirects
• Redirect loop

كلها في النهاية بتشير لنفس المشكلة تقريبًا.

لماذا يظهر خطأ إعادة التوجيه؟ (الأسباب الحقيقية)

عشان نحل مشكلة خطأ في إعادة التوجيه في أدوات مشرفي المواقع، لازم نفهم الأول ليه المشكلة دي بتحصل.

1. تعارض بين http و https

ده السبب رقم واحد  بيحصل لما الموقع شغال على https، لكن في إعادة توجيه غلط بترجعه لـ http، وبعدين http يرجعه تاني لـ httpsوالنتيجة  حلقة إعادة توجيه مفرغة لا نهائية

2.تعارض www و non-www

مثال: example.com، www.example.com، لو الاتنين بيحولوا على بعض من غير إعداد صح، جوجل يعتبر ده خطأ إعادة توجيه.

3.إضافات إعادة التوجيه (خصوصًا في ووردبريس)

بعض إضافات السيو أو الكاش في ووردبريس مثل Yoast، Rank Math، Redirection، LiteSpeed Cache، لو اتظبطت غلط، ممكن تعمل Redirect chain، Redirect loop، وده كفيل يطلعلك الخطأ في أدوات مشرفي المواقع.

الفرق بين Redirect Error و Redirect Chain و Redirect Loop

ناس كتير بتتلخبط بين المصطلحات دي، وخليني أوضحهم بشكل بسيط    Redirect Chain  أي سلسلة إعادة توجيه يعني صفحة A → B → C → D، وجوجل بيمشي السلسلة، لكن لو زادت عن اللازمن  يعتبرها مشكلة،  تبطئ الزحف،  تأثر على السيو.

أما Redirect Loop  حلقة إعادة توجيه وهي الأخطر يعني A → B، B → A، وجوجل مش بيعرف يوصل لنقطة نهاية.

أما Redirect Error ده المصطلح العام اللي جوجل بيستخدمه لأي مشكلة في سلاسل التحويل، حلقات التحويل، والتحويلات المتعارضة.

إعادة توجيه الصفحات وتأثيرها على السيو وترتيب الموقع

لو تجاهلت مشكلة خطأ في إعادة التوجيه، النتائج ممكن تكون سيئة جدًا منها :

·        عدم فهرسة الصفحات، لأن جوجل ببساطة مش هيضيف الصفحة للفهرس.

·        فقدان قوة الروابط  (Link Juice)، أي باك لينك جاي للصفحة قوته بتضيع، أو توصل ناقصة.

·        تجربة مستخدم سيئة لأن المستخدم سيجد الصفحة بتفتح ببطء، أو يحصل(404) Error، وده بيزود معدل الارتداد.

·        تراجع الترتيب في نتائج البحث لأن السيو بيتأثر بشكل مباشر، خصوصًا لو الخطأ موجود في صفحات مهمة.

كيفية اكتشاف خطأ إعادة التوجيه داخل Google Search Console

قبل ما تفكر في حل مشكلة خطأ في إعادة التوجيه في أدوات مشرفي مواقع جوجل، لازم الأول تعرف فين المشكلة بالضبط، وهل هي عامة في الموقع ولا في صفحات معينة.

خطوات اكتشاف خطأ إعادة توجيه الصفحات في Google Search Console خطوة بخطوة:

1.ادخل على Google Search Console

2.اختَر الموقع المتأثر

3.من القائمة الجانبية اضغط على الصفحات (Pages)

4.انزل لقسم لم تتم فهرستها

5.هتلاقي سبب باسم خطأ في إعادة التوجيه، أو Redirect Error

اضغط عليه، وهتشوف قائمة الصفحات المتأثرة، ويجب ان تعرف أن مش كل الصفحات اللي فيها Redirect Error  بتكون مشكلة كبيرة، أحيانًا بتكون صفحات قديمة، روابط تم حذفها، لكن لو الخطأ موجود في صفحات مقالات، صفحات تصنيفات، أو الصفحة الرئيسية، يبقى لازم تتحل فورًا.

استخدام أدوات فحص إعادة التوجيه لمعرفة السبب الحقيقي

أدوات مشرفي المواقع بتقولك في مشكلة، لكن مش دايمًا بتقولك السبب، عشان كده بنحتاج استخدام بعض الأدوات المساعدة، ومن أفضل هذه الأدوات لفحصRedirect Error: ماياي:

Redirect Checker

أداة بتعرض لك عدد التحويلات، نوع التحويل (301 – 302) والصفحة النهائية

Screaming Frog

ممتاز جدًا تقدر من خلاله تكتشف  Redirect Loop، اكتشاف Redirect Chain، ومعرفة الصفحات اللي بتعمل تحويلات خاطئة

Ahrefs / Semrush

مش بس أدوات سيو، دي كمان بتكشف أخطاء إعادة التوجيه، وبتوضح تأثيرها على السيو

حل مشكلة تعارض http و https (أشهر سبب)

ده أشهر سبب لظهور خطأ إعادة التوجيه في أدوات مشرفي المواقع، والحل الصحيح:

1.اختيار نسخة واحدة فقط إما:

• https://example.com
  أو
• https://www.example.com

ومتغيرش رأيك بعد كده

2.ضبطها في Google Search Console

• أضف النسخة الصحيحة
• احذف أو تجاهل النسخ التانية

3.ضبطها في إعدادات الموقع

• في ووردبريس:
• الإعدادات ← عام
• تأكد إن الرابطين https

·         أو في بلوجر

حل مشكلة www و non-www نهائيًا

لو الموقع بيشتغل بالنسختين:

• example.com
• www.example.com

وجوجل شايف إنهم بيحولوا على بعض، هيطلعلك Redirect Error.

الحل هو اختَر نسخة واحدة،، خلي التانية تعمل Redirect 301 مباشر ليها، وبدون أي تحويلات إضافية، التحويل لازم يكون من A → B، مش من A → B → C

أخطاء إضافات ووردبريس الشائعة في إعادة التوجيه

كتير من مشاكل خطأ إعادة التوجيه سببها إضافات ، ومن أشهر إضافات بتعمل مشاكل إضافات الكاش، إضافات السيو، وإضافات الحماية، لذلك حاول متخليش أكتر من إضافة تتحكم في إعادة التوجيه، أو في https، أو في www، خلي مسؤول واحد بس.

حل مشكلة خطأ إعادة التوجيه في بلوجر (Blogger)

كتير من أصحاب مدونات بلوجر بيظهر لهم خطأ في إعادة التوجيه في أدوات مشرفي المواقع، وغالبًا السبب بيكون إعدادات بسيطة لكنها مؤثرة.

أشهر أسباب المشكلة في بلوجر:

🔹 تفعيل https بدون ضبط الإعدادات

بلوجر بيفعل https تلقائيًا، لكن لو القالب أو الأكواد القديمة بتعيد التوجيه لـ http، هنا تبدأ المشكلة.

🔹 أكواد JavaScript داخل القالب

بعض الأكواد بتعمل تحويل تلقائي، كشف جهاز المستخدم، وده ممكن يسبب Redirect Loop.، والحل العملي في بلوجر:

1.ادخل على الإعدادات

2.فعّل إعادة التوجيه من http إلى https

3.عطّل أي كود قديم خاص بالتحويل

4.افحص القالب من: المظهر ← تعديل HTML

5.ابحث عن كلمات مثل  window.location، أو document.location، ولو موجودة بدون سبب واضح، احذفها.

حل مشكلة خطأ إعادة التوجيه في ووردبريس (حل نهائي)

ووردبريس مرن جدًا، لكنه في نفس الوقت عرضة لأخطاء إعادة التوجيه.

أسباب شائعة في ووردبريس:

• تعارض إضافات السيو
• إعداد خاطئ في الرابط الدائم
• ملف .htaccess غير منظم

الحل خطوة بخطوة:

1.تأكد من الروابط الدائمة، اذهب إلى:

• الإعدادات ← الروابط الدائمة، واحفظ بدون تغيير (إعادة توليد)

2.عطّل الإضافات مؤقتًا

• عطّل جميع الإضافات، فعّلهم واحدة واحدة، راقب الصفحة المتأثرة

3.افحص ملف .htaccess

لو مش خبير، اعمل نسخة احتياطية الأول، وتأكد إن التحويل واحد فقط، مباشر، بدون تكرار.

متى يكون Redirect Error طبيعيًا وليس مشكلة؟

سؤال مهم جدًا  لأن مش كل خطأ في إعادة التوجيه معناه كارثة، فيه حالات يكون فيها طبيعي مثل صفحات محذوفة نهائيًا، روابط قديمة جدًا، أخطاء فى URL ، أو صفحات تجريبية، لكن لو الخطأ موجود في الصفحة الرئيسية، مقالات أساسية، أو في صفحات تصنيفات، يبقى لازم تتحل فورًا.

تجربة عملية لحل مشكلة خطأ في إعادة التوجيه في أدوات مشرفي مواقع جوجل

أثناء تفقدي لمشرفي المواقع لتفقد حالة الصفحات وجدت 3 صفحات متؤثرة بمشكلة إعادة التوجيه كما في الصورة، فقمت بما يلي:

·         قمت اولا بطلب إعادة عملية التحقق وبعد عدة أيام وصلتني رسالة جوجل تعذر التحقق.

·         تأكدت من قيامي بكافة الخطوات التي سبق ذكرها في المقال ووجدت انها جميعا سليمة.

·         قمت بالضغط على خطأ إعادة التوجيه لمعرفة تفاصيل الصفحات المتأثرة بالخطأ كما في الصورة.

خطا في إعادة التوجيه

·         قمت بنسخ  URL  الخاص بالصفحة الأولي وقمت بفحص عنوان url  وكان الرد "

لم تتم فهرسة الصفحة.: خطأ في إعادة التوجيه " كما في الصورة.

 

·         قمت بنسح URL  الخاص بالصفحة الأولي وبحثت عنه في محرك جوجل فتم تحويلي لصفحة (404) كما في الصورة.

·         قمت بالتوجه الى مشاركات المدونة وبحثت عن عنوان الصفحة، وحولت الصفحة للمسودة، حيث قمت بالضغط على رابط ثابت وإخترت مخصص وقمت بتعديل url  ليصبح " profit-from-yougov" بدلا من yougov فقط.

·         قمت باعادة نشر المقالة مع تغيير الوقت ليكون تلقائيا، فتنشر المقالة بتاريخ اليوم.

·         قمت بنسح URL الجديد وتوجهت لمشرفي المواقع لطلب الفهرسة يدويا كالمعتاد، وتاكدت من انه يمكن فهرسة المقال.

·         توجهت لمشرفي مواقع جوجل (عمليات الإزالة) وقدمت طلب إزالة  للـ URL القديم كما في الصورة.

·         ثم قمت بالضغط على زر إعادة التحقق.

·         ثم فعلت نفس الشئ مع بقية الصفحات المتأثرة، وبذلك إنتهت المشكلة.

الأسئلة الشائعة عن حل مشكلة خطأ في إعادة التوجيه على ادوات مشرفي المواقع

❓ ما معنى خطأ في إعادة التوجيه في أدوات مشرفي المواقع؟

يعني جوجل حاول يوصل لصفحة، لكن واجه سلسلة أو حلقة إعادة توجيه منعته من الوصول للنسخة النهائية.

❓ هل خطأ إعادة التوجيه يؤثر على السيو؟

نعم، خطأ اعادة توجيه الصفحات يؤثر على السيو وبقوة، ليه لأنه بيأثر على الأرشفة، ترتيب الصفحة، وقوة الروابط، وبالتالي قلة عدد الزوار الشرعيين من محركات البحث.

❓ هل يمكن تجاهل Redirect Error؟

لو الصفحة غير مهمة، ممكن، لكن الصفحات الأساسية فلا يجب إهمالها ويجب حل المشكلة.

❓ كم عدد التحويلات المسموح بها؟

يفضّل تحويل واحد فقط، أو 2 بحد أقصى، لكن أكثر من كده تصبح مشكلة.

❓ بعد حل مشكلة إعادة التوجيه، متى يختفي الخطأ من Search Console؟

من أيام إلى أسابيع حسب سرعة الزحف، وعدد الصفحات.

الخاتمة

في النهاية، حل مشكلة خطأ في إعادة التوجيه في أدوات مشرفي المواقع مش معقد زي ما ناس كتير فاكرة، لكن محتاج فهم السبب، فحص التحويلاتن تبسيط المسار قد ما تقدرن وافتكر دايمًا إن جوجل بيحب البساطة، وان تحويل مباشر أفضل من 10 تحويلات، وأي تعديل بدون اختبار يعني مخاطرة.

لو التزمت بالخطوات اللي اتكلمنا عنها في المقال ده، تقدر تحل مشكلة خطأ في إعادة التوجيه Redirect Error  نهائيا، وتحافظ على سيو موقعك وترتيبه بدون صداع.

 

 

تابعونا على قناة التليجرام 

 

تعديل المقال