كيفية التسجيل في جوجل أدسنس كيفية التسجيل في جوجل أدسنس خطوة بخطوة ؟

لو عندك موقع أو مدونة أو حتى قناة يوتيوب، أكيد سمعت عن جوجل أدسنس (Google AdSense) كواحدة من أشهر الطرق للربح من الإنترنت، ملايين الناشرين حول العالم بيستخدموا هذه المنصة عشان يحققوا دخل ثابت من إعلانات بتظهر بشكل تلقائي على مواقعهم أو قنواتهم، لكن السؤال اللي بيدور في بال كتير من المبتدئين هو كيف أعمل تسجيل في جوجل ادسنس وأضمن القبول بسرعة؟

في هذا المقال سنتكلم عن كيفية التسجيل في جوجل أدسنس وإنشاء حساب على جوجل ادسنس خطوة بخطوة، بداية من كيفية إنشاء حساب أدسنس ونهاية بتوضيح شروط القبول، والأخطاء التي يجب تتجنبها، وكيفية إضافة وسيلة دفع حتى تتمكن من تستلم أرباحك.

ما هو جوجل أدسنس ولماذا يعتبر أفضل خيار للربح؟

جوجل أدسنس (Google AdSense) هو برنامج تابع لشركة جوجل بيسمحلك تعرض إعلانات على موقعك أو قناتك مقابل المال، الفكرة ببساطة إن جوجل يعمل كوسيط يربط بين المعلنين وأصحاب المواقع، وكل مرة زائر يضغط على إعلان أو يشوفه، بتكسب نسبة من الأرباح.

وهناك العديد من الأسباب التي تجعل الكثيرمن العاملين على الإنترنت يختارون الربح من جوجل أدسنس على الكثير من شركات الإعلان الأخرى، مثل:

سهل الاستخدام ومش محتاج خبرة تقنية عالية.

موثوق جدًا لأنه تابع لجوجل.

بيقبل معظم المواقع والقنوات اللي بتلتزم بالشروط.

بيوصل الأرباح بشكل منتظم.

ماهي شروط قبول موقعك او مدونتك في جوجل أدسنس ؟

قبل ما تبدأ عملية التسجيل في جوجل ادسنس، لازم تتأكد إن موقعك أو قناتك جاهزين لإشتراطات (Google AdSense) ومن أهم الشروط:

1. محتوى أصلي وذو قيمة:

يعد من أهم شروط جوجل أدسنس (Google AdSense) التي يجب لأي ناشرأن يراعيها قبل التقديم لأدسنس هي مسألة كتابة محتوى ذو قيمة. فادسنس لايهمه عدد المقالات أو الشكل الخارجي للموقع بقدر ما بيركز على جودة المحتوى نفسه.

يعني إيه محتوى ذو قيمة؟ ببساطة هو المحتوى الأصلي اللي بيجاوب على أسئلة الزوار وبيقدم لهم معلومة أو فائدة حقيقية، المقالات المنسوخة أو المعاد صياغتها بشكل رديء بتخلي الموقع مرفوض من ادسنس فورًا، لكن لو المحتوى حصري ومكتوب بلغة واضحة وبيعالج موضوع محدد بعمق، فرص قبولك بتزيد بشكل كبير.

بالإضافة الى ذلك لازم يكون المحتوى منظم، فيه عناوين رئيسية وعناوين فرعية، وصور أو وسائل توضيحية تضيف قيمة للقارئ، الهدف إن الزائر يقضي وقت أطول في الموقع ويلاقي اللي بيدور عليه بسهولة، وده بالضبط اللي بيدعمه أدسنس.

لذلك لابد من أن يكون لديك مقالات مكتوبة بإيدك أو فيديوهات من إنتاجك، محتوي أصلي ذو قيمة يضيفها للقارئ، المحتوى المنسوخ بيؤدي للرفض مباشرة.

2. عدد مقالات مناسب:

من الشروط اللي جوجل أدسنس بيركز عليها جدًا قبل القبول هي وجود عدد مناسب من المقالات على الموقع أو المدونة، الفكرة إن جوجل بيشوف موقعك كمرجع للمستخدم، ولو وجد إن المحتوى قليل جدًا هيعتبر إن الموقع لسه غير جاهز لعرض الإعلانات.

رغم أن عدد المقالات المطلوب غير معلن رسميًا، لكن أغلب التجارب بتأكد إن وجود ما لا يقل عن 20 إلى 30 مقال حصري بيزود فرص القبول بشكل كبير، لكن لا تهتم بعدد المقالات وتهمل الجودة بمعني أنك تنشر مقالات قصيرة وضعيفة لمجرد زيادة العدد.

حاول تكتب مقالات شاملة لا تقل عن 1000 كلمة وتغطي موضوعات مطلوبة للزوار، كما انه يفضل إن تكون المقالات موزعة على أقسام مختلفة في الموقع عشان تبين إن الموقع منظم وبيقدم محتوى متنوع، كل ما عدد المقالات زاد وجودتها ارتفعت، كل ما فرصتك في القبول في أدسنس تكون أعلى.

3. تصميم الموقع:

جزء مهم جدًا من شروط القبول في جوجل أدسنس (Google AdSense) هو تصميم الموقع، جوجل لا تنظر فقط على المحتوى المكتوب، لكنه كمانأيضا تركز على تجربة المستخدم داخل الموقع، لو تصميم الموقع معقد أو مش منظم، الزائر هيلاقي صعوبة في التنقل وبالتالي هيخرج بسرعة، وده بيأثر سلبًا على تقييم جوجل لموقعك.

لذلك لابد ان يكون تصميم الموقع بسيط، ألوانه مريحة، والأقسام واضحة، القائمة الرئيسية لازم تحتوي على الصفحات الأساسية مثل "الرئيسية، من نحن، اتصل بنا، سياسة الخصوصية"، بحيث أي زائر يعرف يوصل لأي جزء بسهولة، كما يفضل أن يكون الموقع متجاوب مع الموبايل، لأن أغلب الزوار بيدخلوا من الهواتف الذكية.

السرعة أيضا عامل هام جدا؛ لو الموقع بيفتح ببطء ده ممكن يكون سبب في رفضه، باختصار، تصميم موقع منظم وسهل الاستخدام يقدم لك فرصة أكبر للقبول في أدسنس ويجعل الزائر يقضي وقت أطول في موقعك او مدونتك.

4. عمر صاحب المحتوى:

يعتبرأحد الشروط اللي يضعها جوجل أدسنس لقبول أي ناشر هو عمر صاحب المدونة أو الموقع، فلابد أن يكون الشخص المتقدم عمره 18 سنة أو أكثر، لأن أدسنس بيتعامل مع بيانات بنكية رسمية وتحويلات مالية، وده محتاج شخص بالغ قانونيًا.

في بعض الحالات، لو كان عمرك أقل من 18 سنة، ممكن تسجل بحساب أحد الوالدين أو وصي قانوني، لكن الحساب هيكون باسمهم مش باسمك، الشرط ده مهم جدًا عشان يضمن جوجل إن اللي بيتعامل معاه قادر على إدارة الأرباح والتعامل مع الشروط القانونية الخاصة بالضرائب والدفع.

بالنسبة للموقع نفسه، في بعض الدول زي الهند مثلاً، جوجل بيشترط إن المدونة يكون عمرها 6 شهور على الأقل قبل ما تقدم لأدسنس، وده عشان يضمن استقرار المحتوى ووجود نشاط حقيقي. إذن، الالتزام بشرط العمر سواء لمالك الموقع أو لعمر المدونة نفسها بيعتبر من الأساسيات اللي بيبص عليها جوجل قبل ما يوافق على حساب أدسنس جديد.

5. عدد الزيارات:

كتير من المبتدئين يسألون هل جوجل أدسنس (Google AdSense) بيشترط وجود عدد محدد من الزيارات عشان يقبل موقعي؟ الحقيقة إن جوجل لم يعلن بشكل رسمي عن حد أدنى للزيارات، لكن المنطقي إن الموقع أو المدونة لازم يكون عندهم حركة مرور طبيعية ومنتظمة عشان يثبتوا إن فيه جمهور حقيقي بيتابع المحتوى.

وجود زيارات قليلة جدًا ممكن يخلي جوجل يشوف الموقع لسه غير جاهز لعرض الإعلانات، كمان الزيارات لازم تكون طبيعية مش وهمية أو تم الحصول عليها من طرق غير شرعية زي تبادل الزيارات أو البوتات، لأن ده ممكن يؤدي لحظر الحساب نهائيًا.

الأفضل إنك تركز على تحسين محركات البحث (SEO) ونشر محتوى حصري يفيد الزوار، وبالتالي هتزيد الزيارات بشكل طبيعي مع الوقت، وعندما يحقق موقعك معدل زيارات مستقر، فرص قبولك في أدسنس هتكون أعلى بكتير، وكمان أرباحك هتزيد بشكل تدريجي.

خطوات التسجيل في جوجل أدسنس (Google AdSense)

في السطور القادمة سنتكلم عن كل ما يخص إنشاء حساب أدسنس، بالتفصيل لكي تستطيع أن تبدأ رحلتك في الربح من جوجل أدسنس من غير تعقيدات.

1.إنشاء حساب جوجل

الخطوة الأولي في التسجيل على جوجل ادسنس أن يكون لديك حساب Gmail، وإن لم يكن لديك حساب فلابد ان تنشأ حساب لأنه هو المفتاح الرئيسي عشان تدخل على أدسنس.

2. الدخول لموقع أدسنس

بعد إنشاء حساب Gmail إذهب الى https://www.google.com/adsense واضغط على زر ابدأ الآن.

3. إدخال بيانات موقعك أو قناتك

لو عندك موقع، هتكتب رابط الموقع.
لو عندك قناة يوتيوب، هتربطها مباشرة مع أدسنس.

4. تحديد الدولة وإدخال بياناتك الشخصية

اختار بلدك بدقة (مهم جدًا لاستلام الأرباح).
اكتب اسمك الحقيقي زي ماهو مكتوب في بطاقة الإئتمان أو في الحساب البنكي.
سجل عنوانك بدقة وإكتب رقم تليفون صحيح.

5.مراجعة الموقع أو القناة

بعد ما تخلص عملية التسجيل في جوجل أدسنس وتدخل بياناتك وموقعك أو مدونتك، بيبدأ فريق أدسنس في مراجعة الموقع عشان يتأكد إنه مطابق للسياساتن هذه المراجعة تعد خطوة أساسية وممكن تستغرق من أيام لحد أسبوعين حسب الزحمة وجودة الموقع.

خلال هذه الفترة ، جوجل يركز على أكتر من نقطةمثل هل المحتوى حصري ومفيد؟ هل في عدد كافٍ من المقالات؟ هل تصميم الموقع منظم وسهل التصفح؟ وهل فيه الصفحات الأساسية زي سياسة الخصوصية وسياسة الغستخدام، ومن نحن واتصل بنا؟ كمان بيفحصوا إذا كان الموقع فيه أي محتوى مخالف زي المقالات المنسوخة أو الصور التي تتمتع بملكية فكرية.

لو كل حاجة تمام، هيوصلك إشعار بالقبول وسيبدأ عرض الإعلانات فورًا، أما لو وجد ادسنس مشاكل، هيرفض الطلب وسوف يخبرك بالأسبابحتى تستطيعالقيام بغصلاحها وتقدم مرة اخرى، باختصار، مراجعة أدسنس بتضمن إن الموقع مؤهل ويقدم قيمة حقيقية للزوار قبل ما يبدأ الربح من الإعلانات.

6. تفعيل الحساب برقم التعريف الشخصي (PIN)

بعد قبول حسابك في أدسنس وتبدأ تحقق بعض الأرباح، جوجل بيطلب منك خطوة مهمة جدًا وهي إثبات العنوان باستخدام رقم التعريف الشخصي (PIN) لما أرباحك توصل لحد معين (عادة 100 دولار أو مايعادلها بعملة بلدك المحلية)، جوجل سيرسل لك خطاب ورقي عبر البريد العادي للعنوان اللي سجلته في حسابك.

الخطاب ده بيحتوي على رقم PIN مكون من 6 أرقام، ولازم تدخله في حسابك عشان يتأكد إن العنوان اللي سجلته صحيح فعلاً، هذه العملية تاخد عادة من أسبوعين لشهر حسب سرعة البريد في بلدك، ولو ما استلمتش الكود، تقدر تطلب إرساله تاني لحد 3 مرات.

مهم جدًا إن العنوان اللي كتبته أثناء التسجيل يكون كامل وصحيح (رقم شارع، مدينة، محافظة) عشان يوصل الكود بسهولة، لأنه من غير خطوة إثبات العنوان دي، مش هتقدر تستلم أرباحك حتى لو الحساب اتفعل وبدأ يعرض إعلانات، وبالتالي، رقم التعريف الشخصي يعتبر خطوة أساسية ولازم أي ناشر يجهز نفسه ليها من البداية.

7. إضافة وسيلة دفع

بعد ما يتفعل حسابك في أدسنس وتثبت العنوان وتبدأ الأرباح توصل للحد الأدنى المطلوب وهو (100 دولار أو مايعادلها بعملة بلدك المحلية) ، يجب إضافة وسيلة الدفع، ويوفر أدسنس أكتر من طريقة لاستلام الأرباح حسب الدولة التي تعيش فيها.

في معظم الدول العربية، وأهمها مصر، الطريقة الأساسية المتاحة هي التحويل البنكي المباشروحتى تستطيع أن تضيف وسيلة الدفع، تدخل على حسابك في أدسنس، وتذهب لإعدادات الدفع، وتكتب بيانات حسابك البنكي بدقة مثل اسم البنك، اسم صاحب الحساب (لازم يكون مطابق للاسم اللي سجلته في أدسنس)، ورقم الـ IBAN أو Swift Code الخاص بالبنك.

بعد ذلك ، يقوم جوجل بارسال تحويل تجريبي صغيرعلى حسابك البنكي (مبلغ بسيط جدًا)، ولازم تدخل قيمة هذا التحويل في أدسنس حتى يتأكدوا إن الحساب صحيح، من غير هذه الخطوة لن تستطيع تستلم أي فلوس، وهذه هي أهم المراحل اللي بتثبت إنك جاهز تبدأ رحلة الربح من جوجل أدسنس بشكل رسمي ومنتظم.

أخطاء شائعة تؤدي لرفض حساب أدسنس

كتير من المبتدئين يرتكبون بعض الأخطاء التي تجعل جوجل أدسنس يرفض طلبهم مثل:

تقديم موقع بمحتوى قليل جدًا، أو بمعني أخر بعدد قليل من المقالات.
نسخ مقالات من مواقع أخرى دون التعديل عليها أو إستخدام صور عليها حقوق ملكية.
تقديم موقع لا يحتوي على الصفحات الأساسية.
تقديم بيانات شخصية مش صحيحة غير مطابقة للرقم القومي.
تقديم محتوى مخالف لسياسات جوجل (زي المحتوى الإباحي أو العنيف أو المخالف للقانون، أو الذي عليه حقوق ملكية).

نصائح لقبول أسرع في أدسنس

اكتب محتوى حصري ذو قيمة تقدمها للقارئ ويفضل أن يكون في مجال واحد محدد فجوجل أدنس ترفض الآن المدونات أو المواقع العامة.
خليك صبور ولا تتعجل التقدم لأدسنس قبل ما يكون عندك محتوى كافي.
اهتم بسرعة الموقع من خلال إختيار قالب سريع خال من الخطاء التقنية وإعمل على تحسين تجربة الزوار.
استخدم قالب منظم ،بسيط وخفيف.

هل يمكن التسجيل في جوجل أدسنس بدون موقع؟

كثيرا ما يتردد هذا السؤال والإجابة نعم، يمكنك أن تقوم بإنشاء حساب أدسنس باستخدام قناة يوتيوب، فلو عندك قناة وحققت شروط القبول (1000 مشترك + 4000 ساعة مشاهدة خلال آخر 12 شهر)، تقدر تربطها بأدسنس وتبدأ تكسب من الإعلانات.

بدائل جوجل أدسنس (Google AdSense)

رغم إن أدسنس هو الأشهر، لكن في بدائل ممكن تفكر فيها لو اترفضت:

لكن إعلم أن أدسنس هو الخيار رقم واحد من حيث المصداقية والعائد.

الخاتمة

في النهاية، التسجيل في جوجل أدسنس (Google AdSense) ليس من الصعوبة كما يعتقد الكثير، الموضوع محتاج صبر والتزام بسياسات جوجل، لو عندك محتوى أصلي وموقع منظم أو قناة يوتيوب نشيطة، فرصتك في القبول كبيرة جدًان بشرط إنك تكتب بياناتك صح، تضيف صفحات أساسية، وتبعد عن أي محتوى مخالف.

لو عايز تبدأ رحلة الربح من جوجل أدسنس، اتبع الخطوات اللي شرحناها، وخلي عندك خطة لنشر محتوى باستمرار، ومع الوقت، هتلاقي نفسك بتستلم أرباح شهرية ثابتة من الإنترنت.

تعديل المقال

إهتمامات العرب

كيفية التسجيل في جوجل أدسنس كيفية التسجيل في جوجل أدسنس خطوة بخطوة ؟