أفضل 3 تطبيقات مجانية لمشاهدة المباريات الرياضية على الموبايل والتلفاز

 تعرف على متصفح تور: (Tor Browser)  التصفح الخفي خطوة بخطوة

في زمن الإنترنت المفتوح، الخصوصية بقت عملة نادرة، كل موقع بتدخله بيتتبعك، وكل إعلان بيطاردك، وكأن حياتك كلها بقت مكشوفة.

هنا بيظهر دور متصفح تور (Tor Browser)ناس كتير بتسأل: إيه هو تور؟ إزاي بيشتغل؟ وهل هو آمن ولا فيه مخاطر؟ ولو عاوز أبدأ، أجيب منين نسخة موثوقة وأعمل إيه بعد تحميل تور؟

في هذا المقال سنجاوبك على كل هذه الأسئلة ونعرفك كيف تستخدم تور بطريق آمنة دون الوقوع في أي أضرار.

 تعرف على متصفح تور (Tor Browser)  :التصفح الخفي خطوة بخطوة

ماهو متصفح تور (Tor Browser)؟

تور Browser هو متصفح مجاني مفتوح المصدر معمول مخصوص علشان يخلي التصفح بتاعك خفي ومجهول، يعني لما تستخدم متصفح تور، هويتك ومكانك الحقيقي بيتخبوا ورا شبكة معقدة من الخوادم، والاسم "Tor" جاي من جملة  "The Onion Router"   واللي معناها "الموجه البصلي"، لأن البيانات بتتلف حوالين بعضها زي طبقات البصل.

بمعنى انه لو حد بيحاول يعرف إنت داخل منين أو بتتصفح إيه، هيلاقي نفسه ماشي في متاهة، وكل خطوة فيها باب مقفول.

ازاي بيشتغل متصفح تور؟

لما تفتح أي موقع من خلال tor browser، البيانات بتاعتك مش بتروح مباشرة للسيرفر وإنما بتمر على 3 محطات (دخول – وسط – خروج)، وكل محطة مش عارفة غير اللي قبلها واللي بعدها و النتيجة  صعب جدًا حد يعرف مين إنت أو فين موجود.

بمعنى أخر عند إستخدامك Tor Browser يتم توجيه اتصالك عبر سلسلة من الخوادم العشوائية (تسمى العُقد) قبل الوصول إلى وجهتك النهائية، كل عقد تشفر البيانات قليلاً قبل تمريرها إلى العقدة التالية، مما يجعل من الصعب جدًا فك تشفير البيانات أو تتبع مسارها الأصلي.

يعني لو بتدخل على الإنترنت العادي من متصفح زي كروم أو فايرفوكس، بياناتك بتكون مكشوفة لمزود الخدمة والموقع، لكن مع متصفح تور، بتلف لفة طويلة تخلي أي محاولة للتتبع شبه مستحيلة وبهذا تكون أنت وجهازك في آمان.

استخدامات متصفح تور

كتير من الناس بيسألوا ماهي استخدامات متصفح تور؟ والحقيقة أن الاستخدامات كتيرة ومش كلها "دارك ويب" زي ما الناس فاكرة وعليه فأن متصفح تور يستخدم في:

1.    الحفاظ على الخصوصية لو إنت مش عاوز المواقع تعرف مكانك الحقيقي أو تسجل بياناتك.

2.    تصفح آمن في دول فيها رقابة مثل البلاد التي تمنع مواقع أو خدمات معينة، ومع tor browser    تقدر تدخلها عادي.

3.    حماية الصحفيين والنشطاء من خلال حماية هويتهم وقت نشر معلومات حساسة.

4.    الوصول لمواقع   onion دي مواقع خاصة مش هتلاقيها على جوجل، وبتشتغل بس من خلال متصفح تور. 

مميزات متصفح تور

بعد إستعراضنا السابق يتضح ان هناك العديد من المميزات لمتصفح تور منها:

1.مجاني ومفتوح المصدر، ولما نقول إن متصفح تور (Tor Browser) مجاني، ده معناه إنك تقدر تنزّله وتستخدمه من غير ما تدفع فلوس، يعني مش محتاج اشتراك شهري ولا مرة واحدة، زي متصفحات تانية بتطلب فلوس أو بتعرض إعلانات علشان تكسب، ولما نقول مفتوح المصدر يعني إن الكود البرمجي بتاع tor browser  متاح للعامة، بمعني أن أي حد مبرمج أو باحث أمان يقدر يدخل على الكود، يشوف إزاي البرنامج معمول، ويتأكد إنه:

·         مفيهوش أبواب خلفية (Backdoors) للتجسس.

·         بيشتغل بالشفافية التامة.

·         يقدر يطوره أو يصلّح مشاكل فيه.

2.متوافق مع العديد من أنظم التشغيل مثل ويندوز، ماك، لينكس، وأندرويد.

3.بيشتغل بتقنية متطورة بتخفي الـ IP بتاعكمخفي وفي آمان.

ماهي مخاطر متصفح تور؟

رغم المميزات الكتيرة، لازم نكون واقعيين: متصفح تور له مخاطرأيضا مثل:

1.    البطء  بسبب إن البيانات بتلف على كذا محطة، السرعة أبطأ من المتصفحات العادية.

2.    مواقع مش متوافقة مش هتشتغل بشكل طبيعي على تور.

3.    مخاطر سوء الاستخدام: لأن فيه ناس بتستخدم تور في أنشطة غير قانونية، وده بيخلي سمعته مرتبطة بالدارك ويب.

4.    الشكوك الأمنية لو حد دخل بياناته الشخصية أو فتح حساباته العادية من جوه تور، الخصوصية ممكن تتسرب.

ماهي أضرار متصفح تور؟

سؤال داشما يتكرر، نعم هناك بعض الأضرار لاستخدام  متصفح تورمثل :

• ممكن يخليك هدف للرقابة فمجرد استخدام تور في بعض الدول ممكن يلفت النظر ليك.

• مش بيديك أمان كامل، صحيح هو بيحمي هويتك، بس لو عملت تسجيل دخول بحسابك على فيسبوك، الخصوصية بتروح.

• بعض الفيروسات أو الملفات الخبيثة ممكن تتسرب لو نزلتها من مواقع مجهولة على الدارك ويب.

يعني بالمختصر، تور Browser أداة قوية، لكن لازم تعرف حدودها.

إزاي تحميل تور واستخدامه بأمان؟

لو قررت تبدأ، لازم تركز إنك تنزل النسخة الرسمية من الموقع الأصلي بخطوات بسيطة:

1.    ادخل على الموقع الرسمي لمشروع تور.

2.    اضغط على تحميل تور (Tor Browser download).

3.    نزّل النسخة المناسبة لجهازك (ويندوز – ماك – لينكس – أندرويد).

4.    بعد التثبيت، افتح المتصفح واضغط "Connect".

نصائح للأمان عند إستخدام متصفح تور

• متسجلش دخول بحساباتك العادية.

• استخدم محركات بحث زي   DuckDuckGo.

• متفتحش روابط أو ملفات مجهولة.

• لو هتستخدم تور كتير، جرب تضيف VPN كطبقة أمان وحماية إضافية.

ليه ناس كتير متخوفة من تور؟

فيه ناس فاكرة إن تور كله دارك ويب وجرائم، الحقيقة غير ذلك تماما، تور في الأساس معمول لحماية الخصوصية، لكن زي أي أداة، أخرى فيه اللي بيستخدمها صح وفيه اللي بيستغلها غلط.

الأسئلة الشائعة عن متصفح تور (Tor Browser)

1.    هل متصفح تور قانوني؟

نعم ، متصفح تور قانوني في أغلب الدول، لأنه مجرد برنامج لتصفح الإنترنت بخصوصية، لكن في بعض الدول اللي فيها رقابة شديدة، ممكن يلفت النظر إنك بتستخدمه.

2.     هل تور يخفي هويتي 100%؟

الحقيقة أن  tor browser  بيخفي هويتك بدرجة كبيرة جدًا، لكن مش بنسبة 100%، يعني لو سجلت دخول بحساباتك أو كشفت بياناتك بنفسك، الخصوصية هتقل.

3.ماهي مخاطر متصفح تور؟

المخاطر الأساسية كما سبق واوضحنا تتمثل في  البطء، بعض المواقع مش هتشتغل طبيعي، وكمان إن مجرد استخدامه ممكن يلفت نظر مزود الخدمة أو الحكومة.

4.  ماهي أضرار متصفح تور على الجهاز؟

متصفح تور نفسه مش بيسبب أضرار، لكن المشكلة في المواقع اللي ممكن تدخلها، لو نزلت ملفات مشبوهة من الدارك ويب، الجهاز ممكن يتصاب بفيروسات أو برامج تجسسوممكن كل معلوماتك تتسرق بل وتستغل.

5.    ماهو الفرق بين VPN وTor Browser؟

الـ  VPN  بيخفي موقعك ويوجه الاتصال من سيرفر واحد بس، أما متصفح تور فبيعدي الاتصال من 3 طبقات (دخول – وسط – خروج)، وده بيخلي التتبع أصعب، لكن الاتنين ممكن يشتغلوا مع بعض لأمان أقوى.

6.    هل أقدر أستخدم تور على الموبايل؟

نعم ، فيه نسخة رسمية من تحميل متصفح تور على أندرويد فقط، لكن على الآيفون لسه مفيش نسخة رسمية، لكن فيه متصفحات تانية بتعتمد على شبكة تور.

7.    هل التصفح العادي أسرع من التصفح على تور؟

طبعًا. التصفح على تور أبطأ بسبب إن البيانات بتلف على خوادم كتير، لو السرعة أهم عندك من الخصوصية، ممكن تستخدم متصفح عادي مع  VPN.

8. هل لازم أستخدم تور علشان أوصل للدارك ويب؟

نعم، فالدارك ويب معمول علشان يشتغل بس من خلال متصفح تور، لأنه بيدعم مواقع .onion اللي مش هتلاقيها على جوجل.

الخاتمة

ختاما، متصفح تور (Tor Browser) هو وسيلة مهمة لأي حد عايز يتصفح الإنترنت بحرية وبخصوصية، هو مش حل سحري، ومش معناه إنك محمي بنسبة 100%، لكن بيقدملك مستوى حماية أعلى بكتير من المتصفحات العادية.

لو سألتماهي استخدامات متصفح تور؟ هتلاقيه مفيد للخصوصية وتجاوز الرقابة، 
ولو سألت  ماهي مخاطر متصفح تور وأضراره؟ هتلاقي البطء، وبعض الشبهات، وخطر الاستخدام الخاطئ.

لكن في النهاية  تور Browser مش للكل، لكنه اختيار مثالي لأي حد عايز أمان وخصوصية أكتر، لو عايز تبدأ، اتأكد إنك تعمل تحميل متصفح تور من المصدر الرسمي، وتلتزم بنصائح الأمان.

تعديل المقال